Andre Gunder Frank

Andre Gunder Frank
Persona informo
André Gunder Frank
Naskiĝo	24-an de februaro 1929 (1929-02-24) en Berlino
Morto	23-an de aprilo 2005 (2005-04-23) (76-jaraĝa) en Luksemburgo
Mortis pro	Naturaj kialoj vd
Mortis per	Kancero vd
Lingvoj	angla • germana vd
Ŝtataneco	Germanio vd
Alma mater	Universitato de Ĉikago Swarthmore College (en) vd
Familio
Patro	Leonhard Frank vd
Profesio
Okupo	ekonomikisto universitata instruisto sociologo verkisto historiisto vd
Laborkampo	Internaciaj rilatoj, sociologio, ekonomiko kaj historiografio vd
Doktoreca konsilisto	Milton Friedman vd
En TTT	Oficiala retejo vd
vd	Fonto: Vikidatumoj
v • d • r

Andreas (Andre Gunder) FRANK (naskiĝis la 24-an de februaro 1929 en Berlino; mortis la 23-an de aprilo 2005 en Luksemburgo) estis germana ekonomikisto, kunfondinto de la Teorio de dependeco.

Pro la juda deveno la familio de Frank (la patro estis fama pacifisma aŭtoro Leonhard Frank 1881-1961) fuĝis en 1933 el Germanio pro enpotencigo de la nazioj. Unue li veturis al Svislando, kie li eklernis la italan, francan kaj germanan, poste al Usono, kie li studis ekonomikon en Swarthmore College en Pensilvanio kaj montris grandan inklinon al la instruoj de John Maynard Keynes. En la Universitato de Ĉikago - kie li promociis en 1957 - instruis lin inter aliaj la monetaristo Milton Friedman. Post laboro kiel asistanto en Miĉigano, li travojaĝis en 1961 Afrikon kaj Latinamerikon kaj evoluigis radikalan teorion pri subevoluiteco. En Ĉilio li konatiĝis kun Marta Fuentes, kiu poste fariĝis lia edzino.

Andreas Frank havis du filojn: Paul kaj Miguel.

Li instruis en Universitatoj de Brazilo kaj Meksiko. Usono malpermesis al li la enveturon en 1965 pro liaj radikalaj politikaj tezoj (la malpermeso ĉesis nur en 1979). Kvankam en Kanado oni rigardis lin kiel minacon je la "nacia sekureco", li tamen ricevis en 1966 postenon kiel gastprofesoro en Montrealo. Cetere ankaŭ Kubo kaj GDR ne volis lin akcepti.

Li publikigis ekde 1968 multajn verkojn pri "Evoluo de Subevoluiteco" en Ĉilio. Kiam la militistaro puĉis sub gvido de Augusto Pinochet, li fuĝis kun la familio al Berlino, Frankfurto ĉe Majno kaj Munkeno. Li laboris ĉe Max-Planck-Institut en Starnberg kaj publikigis 10 librojn kaj eseojn. Li do ne havis konstantan postenon.

Ekde 1978 li laboris kiel profesoro en la angla Norwich, poste en Amsterdamo. Kiam lia edzino mortis, li translokiĝis al Toronto kaj denove edziniĝis kun junulino, sed ili baldaŭ divorcis.

En jaro 2003 li membriĝis en t.n "kvaropa bando" en Rio-de-Ĵanejro, kun S-roj Samir Amin, Immanuel Wallerstein, Giovanni Arrighi.

La 23-an de aprilo 2005 li forpasis pro kancero en Luksemburgo.